طريقة عمل الارز بالخلطة بطريقة الشيف الشربينى





طريقة عمل الارز بالخلطة بطريقة الشيف الشربينى

المقادير
رز بسمتى منقوع نص ساعة على الاقل
لوز وممكن استبداله بسودانى
زبيب
كبد وقوانص ( يمكن الاستغناء عنها )
زيت ذرة وزبدة
سكر
بهارات ( ملح, فلفل اسود, قرفة, )

الطريقة
الاول هننقع الرز البسمتى فى مياة دافية لمدة نص ساعة على الاقل ولو قدرنا نسيبه ساعة هيبقى افضل
بعد كدة هنجيب حلة ونحط فيها معلقة سكر كبيرة لكل كوب رز ونسيبها تتكرمل على نار هادية بس ناخد بالنا علشان ما تتحرقش 
اول ما تاخد اللون الذهبى نضيف عليها الزيت والزبدة ونصفى الرز كويس اوى ونقلبه لحد ما يسخن جدا وياخد لون ونقلب معاه البهارات بعد كدة بنضيف عليه الشوربة او لو مفيش يبقى مياة متدوب فيها مكعبين مرقة دجاج 
الشوربة او المياة لازم تكون بتغلى
اول ما الرز ياخد غلوتين فى الشوربة نهدى النار عليه ونسيبه يستوى براحتة
فى الوقت ده هنجيب الزبيب واللوز وننقعهم فى مياة ساخنة لمدة خمس دقايق 
نقشر اللوز ونقسمه اتنين 
ونجيب الكبد والقوانص المسلوقة ونقطعها قطع متوسطة 
وفى طاسه على نار عالية نضيف زيت ذرة وزبدة ونحمر اللوز ونشيله ونحمر مكانه الزبيب ونشيله
وفى الاخر نبشر بصلة صغننة اوى ونصفرها ونضيف عليها الكبد والقوانص يتحمروا
وقت التقديم بنغرف الرز ونزينه بالكبد والقوانص والزبيب واللوز وبالهنا والشفا :)

رز بالخلطة, طريقة عمل الرز بالخلطة, مقادير الرز بالخلطة, وصفة الرز بالخلطة, كيفية عمل الرز بالخلطة, رز بسمتى بالخلطة, رز مصرى بالخلطة, الارز بالخلطة, طريقة عمل الارز بالخلطة, مقادير الارز بالخلطة, قناة سى بى سى سفرة, cbc سفرة, قناة فتافيت, وصفات قناة سى يى سى سفرة, اكلات قناة فتافيات,

تعليقات