طريقة عمل فراخ مشوية فى الفرن بتتبيلة الشيف الشربينى




طريقة عمل فراخ مشوية فى الفرن بتتبيلة الشيف الشربينى

المقادير /
فرخة كيلو ونصف نضيفة ومغسولة بالدقيق والخل
علبة زبادى
ملعقتين كاتشاب
ملعقتين صوص باربكيو
ملعقتين صويا صوص
ملعقة عسل ابيض
ملعقة مسطردة
عصير ليمونة كبيرة
ملعقة خل
ماء بصل
ملح, فلفل,
بهارات فراخ,
زنجبيل, قرفة, كركم, بابريكا, بصل بودرة, ثوم بودرة, 
ملعقتين زيت ذرة

الطريقة /
بنجيب الفرخة بعد ما نغسلها كويس اوى بالملح والخل والدقيق نعمل فيها فتحات بالسكينة من جوة وبرة علشان تتشرب التتبيلة كويس
فى طبق غويط بمحط محتويات التتبيلة كلها ( الزبادى, الكاتشاب, الصويا صوص, العسل, الليمون, الباربكيو صوص, الخل, المسطردة, ماء البصل, الزيت ونقلب كويس ونضيف ربع معلقة صغيرة من كل نوع من التوابل "  زنجبيل, قرفة, كركم, بابريكا, بصل بودرة, ثوم بودرة, "  ونظبط الملح والفلفل )
بنتبل الفرخة من برة وجوة وتحت الجلد ومكان الفتحات كويس اوى ونحطها فى كيس كبير وندخلها التلاجة على الاقل 4 ساعات والافضل تبات فى التتبيلة من قبلها بليلة 
بنخرجها نحطها فى صينية ونقطع تحت الفرخة بصلتين كبار شرايح ونصب على الفرخة من فوق باقى التتبيلة الموجودة فى الكيس ونقفل الصينية بالفويل وندخلها الفرن ساعة ونصف ونفتح عليها بعد كدة الشواية لحد ما تاخد اللون 
وبعد ما تستوى بنجيب ورقة بصل ونسخن فحمة كويس اوى ونحطها فى ورقة البصل ونحط عليها معلقة زيت ونقفل الصينية ربع ساعة وتقدم ساخنة وبالهنا والشفا :)

فراخ مشوية فى الفرن, فرخة مشوية فى الفرن, فرخة كاملة مشوية, فرخة كاملة مشوية فى الفرن, فراخ فى الفرن, فراخ, فرخة, مشوية, دجاج, دجاجة مشوية, دجاجة مشوية فى الفرن, وصفات الشيف الشربينى, قناة سى بى سى سفرة, cbc سفرة, قناة فتافيت, وصفات قناة سى يى سى سفرة, اكلات قناة فتافيات,

تعليقات