الأربعاء، 13 أبريل، 2016

الكيكة التقليدية بطريقة الشيف سالي فؤاد مع اسباب فشل واسرار وتكات نجاح اى كيك




الكيكة التقليدية بطريقة الشيف سالي فؤاد مع اسباب فشل واسرار وتكات نجاح اى كيك 

المقادير :
3 كوب دقيق
2 كوب سكر
1 كوب لبن
1 كوب زيت
3 بيضات
نصف باكو بيكنج باودر
فانيليا

الطريقة :
فى الخلاط بتضربى البيض الاول لمدة 3 دقائق وبعد كدة نضيف السكر والفانيليا فى ونكمل خفق وبعد ما يمتزجوا تضيفى اللبن والزيت وتكملى ضرب وبعد كدة تصبى الخليط فى بولة عميقة وتضيفى الدقيق المخلوط بالبيكنج باودر والملح بالتدريج مع التقليب جيدا برفق وتصبى الخليط فى صينية مقاس 26 او 28 مدهونة زيت ومبطنة بالدقيق وتدخليها فرن ساخن مسبقا على الرف الاوسط على درجة حرارة متوسطة 180 لمدة 40 دقيقة حتى تمام النضج وبعد ما تبرد تقطع وتقدم بالهنا والشفا :)

تكات واسرار نجاح اى كيك : 
- بعد نصف ساعة بتختبرى نضج الكيك بخلة اسنان من المنتصف لو كانت عليت واخدت لون حلو ولسه ما استوتش غطيها بورقة فويل مدهونة زيت او غطا مدهون زيت وسيبيها ربع ساعة كمان هتلاقيها استوت
- ممكن تستبدلى 3 ملاعق دقيق بكاكاو خام لو عاوزاها شيكولاتة
- ممكن تستبدلى اللبن بعصير برتقال وتزودى معلقة بشر برتقال لو عاوزاها بالبرتقال
- بتعايرى المقادير بمج النسكافية او الشاى الزجاج 
- يمكن استبدال كوب الزيت بكوب نصف زيت ونصف زبدة لطعم اغنى
- يمكن استبدال كوب اللبن بكوب كريمة لبانى لقوام اطرى
- قبل ما ندخل الكيك نتأكد ان رف الفرن مظبوط مش مائل والحرارة مش اعلى فى ناحية من الفرن عن الناحية التانية علشان ما يطلعش جزء مرتفع عن جزء
- نتأكد ان الفرن سخن مش بارد علشان الكيك ما تهبطش والافضل نشغله قبل ما نبدأ نشتغل فى الكيك
- ما نفتحش الفرن قبل مرور 25 دقيقة على الاقل علشان الكيك ما تهبطش
- بنخبز الكيك فى صينية فاتحة علشان ما بتوصلش الحرارة بسرعة بس لو مفيش غير صينية غامقة يبقى بنضع تحتها صينية فاتحة
- ما نكترش البيكنج باودر علشان الكيك ما ترتفعش من المنتصف وتهبط من الاجناب
- ما نكترش السوائل علشان الكيك ما تطلعش مكتومة 
- ما نكترش الدقيق علشان سطح الكيك ما يشققش
- الفانيليا السائلة افضل من البودرة لكن لو مش موجودة مفيش مشكلة بنستخدم البودرة 
- كل المقادير تبقى بدرجة حرارة الغرفة يعنى نطلع كل المقادير من الثلاجة قبل ما نبدأ شغل بساعتين 
- ننخل الدقيق اكتر من مرة ونخلطة بالبيكنج باودر والملح ونقلبه برفق مع السوائل علشان نضمن ان الكيك تطلع منفوشة وعالية 
- الكيك شيف نتيجته اجمل من البيكنج باودر لكن لو مش موجود مفيش مشكلة ممكن نستخدم البيكنج باودر عادى
- نقطتين خل بتضيع اى زفارة للبيض فى الكيك ومش بتبان خالص فى الطعم
- البيض الاحمر رائحتة وطعمه افضل من الابيض
- لو هنستخدم البيض البلدي الصغير بنزود بيضة رابعة على المقادير


















اسباب فشل الكيك, الكيك نية من النصف, علاج الكيك الفاشل, الكيك مشقق, الكيك معجن, الكيك هبط, الكيكة هبطت من النص, الكيكة وشها مشقق, الكيكة العادية سالي فؤاد, كيكة الفانيليا سالي فؤاد, كيك للتورتة, التورتة سطحها مشقق, الكيكة الاسفنجية هبطت بعد مابردت, 

0 التعليقات:

إرسال تعليق