تورتة بيضاء سريعة بالموز والكراميل بطريقة الشيف سالى فؤاد من برنامج حلو وحادق





طريقة عمل تورتة بيضاء سريعة بالموز والكراميل بطريقة الشيف سالى فؤاد من برنامج حلو وحادق على قناة cbc سفرة 
المقادير /
600 جرام شيكولاتة مذابة
200 جرام كريمة لباني حسب الحاجة
2 باكو بسكويت سادة حسب الحاجة
3 ثمرات موز
للتوفي /
كوب سكر ناعم
2 ملعقة كبيرة زبدة
نصف كوب كريمة لباني
للتزيين /
كروكانت
موز

الطريقة /
ندوب الشيكولاتة البيضاء على حمام مياة ساخن لحد ما تدوب تماما ونقلبها جيدا ونضيف الكريمة اللباني بالتدريج ونقلب جيدا لحد ما تفك لانها بتبقى متماسكة بنقلب جيدا لحد ما نوصل لقوام كريمي ناعم
هنكسر البسكويت في بولة عميقة ونقطع الموز شرائح ونضيفه للبسكويت ونقلبهم جيدا ونضيف عليهم خليط الشيكولاتة والكريمة ونقلب الخليط جيدا ولو احتجنا بسكويت زيادة او موز نضيف لحد ما نحصل على القوام المطلوب
نبطن صينية مناسبة بكلينج فيلم او كيس بلاستيك ونصب فيها الخليط ونضغطها علشان تاخد شكل القالب ونساويها جيدا وندخلها الثلاجة تتماسك
لتحضير التوفي /
نضع السكر على النار يتكرمل وبعد ما يوصل للون الذهبي نضيف الزبدة ونقلبه جيدا ونضيف الكريمة اللباني بالتدريج مع التقليب جيدا ونرفعه مباشرة من على النار ونتركه يهدأ
نقلب التورتة في طبق التقديم ونصب عليها التوفي ونزينها بالكروكانت والموز وتقدم بالهنا والشفا :)

















تورتة بيضاء سريعة بالموز والكراميل, تورتة بيضاء سريعة بالموز والكراميل بطريقة الشيف سالى فؤاد, طريقة عمل تورتة بيضاء سريعة بالموز والكراميل, مقادير تورتة بيضاء سريعة بالموز والكراميل سالى فؤاد, تورتة بيضاء سريعة بالموز والكراميل حلو وحادق, تورتة بيضاء سريعة بالموز والكراميل برنامج حلو وحادق سالى فؤاد, وصفة تورتة بيضاء سريعة بالموز والكراميل سالى فؤاد حلو وحادق, حلقة تورتة بيضاء سريعة بالموز والكراميل سالى فؤاد حلو وحادق, 

تعليقات