الفطير الشرقي باللحوم بطريقة الشيف سارة عبد السلام من برنامج سنة اولى طبخ





طريقة عمل الفطير الشرقي باللحوم بطريقة الشيف سارة عبد السلام من برنامج سنة اولى طبخ على قناة بانوراما فوود panorama food 
المقادير /
للعجينة /
كيلو دقيق
نصف كوب سمنة سائلة
ملعقة ملح
مياة دافئة للعجن
زيت لفرد العجينة
للحشوة /
ربع كيلو بسطرمة
ربع كيلو سجق بلدي مقطع ومحمر
ربع كيلو سلامي
2 فلفل رومي مقطع جوليان
2 فلفل الوان مقطع جوليان
زيتون اخضر شرائح
زيتون اسود شرائح
كوب جبنة موتزاريلا
كوب جبنة رومي مبشورة
طماطم منزوعة البذر ومن غير مياة 
بصل مقطع جوليان

الطريقة /
لتحضير العجينة /
في بولة عميقة نخلط الدقيق مع الملح او في العجانة ونضيف السمنة مع التقليب الجيد لحد ما الدقيق يتشربها تماما ونضيف الماء الدافئ بالتدريج لحد ما العجينة تلم ونعجنها جيدا لمدة 12 دقيقة لحد ما نحصل على عجينة مش طرية اوي ومش ناشفة اوي وتكون بتلزق على خفيف في اليد ونقسمها ونشكلها كور ونضعها في طبق مناسب وندهنها بكمية كبيرة من الزيت ونغطيها بكلينج فيلم ونسيبها ترتاح لمدة ساعة او اكثر علشان تساعدنا في الفرد
نفرد العجينة على سطح املس مدهون زيت من المنتصف للخارج بواسطة النشابة لحد ما العجينة تبقى خفيفة من الاطراف ونراعي انها من المنتصف تبقى تخينة علشان الحشوة ما تخليهاش تتقطع من المنتصف
نضع في المنتصف السجق والسلامي والبسطرمة والزيتون والجبنة الرومي والموتزاريلا والبصل والفلفل والطماطم وما نكترش من الحشوة عموما ومن الطماطم تحديدا
نطبق العجينة من الاطراف على الحشوة ونقلبها على الوجه الاخر ونضعها في الطاسة في زيت ساخن ولما تستوى من الضهر نقلبها على الناحية الاخرى ونتركها الى تمام النضج وتقدم بالهنا والشفا :) 


















الفطير الشرقي باللحوم, الفطير الشرقي باللحوم بطريقة الشيف سارة عبد السلام, طريقة عمل الفطير الشرقي باللحوم, مقادير الفطير الشرقي باللحوم سارة عبد السلام, الفطير الشرقي باللحوم سنة اولى طبخ, الفطير الشرقي باللحوم برنامج سنة اولى طبخ سارة عبد السلام, وصفة الفطير الشرقي باللحوم سارة عبد السلام سنة اولى طبخ, حلقة الفطير الشرقي باللحوم سارة عبد السلام سنة اولى طبخ, 

تعليقات