تارت الفراولة بالتوت بطريقة الشيف سالى فؤاد من برنامج حلو وحادق





طريقة عمل تارت الفراولة بالتوت بطريقة الشيف سالى فؤاد من برنامج حلو وحادق على قناة cbc سفرة 
المقادير /
للارضية /
3/4 كوب سكر بودرة
كوب زبدة باردة من الثلاجة
3 كوب دقيق
بيضة
فانيليا
رشة ملح
للحشوة ( الباستري كريم ) /
كوب كريمة حلويات سائلة
كوب لبن
4 ملعقة كبيرة سكر
2 ملعقة كبيرة نشا
3 صفار بيض
رشة ملح
ملعقة صغيرة فانيليا
للتزيين /
فراولة
توت
لتلميع الفاكهة /
باكو جيلي فراولة

الطريقة /
لتحضير الارضية /
في بولة عميقة نضرب الدقيق مع الزبدة بواسطة المضرب الكهربائي لحد ما نحصل على قوام يشبه رمل البحر ونضيف السكر ونضرب مرة اخرى ونضيف البيضة والفانيليا والملح ونضرب ضربة خفيفة لحد ما العجينة تلم فقط وممكن نضيف ملعقة كبيرة ماء لو العجينة احتاجت علشان تلم معانا ونفرد العجينة بين ورقتين زبدة مرشوشين دقيق ونضعها في قالب التارت ونضغطها جيدا في الارضية والجوانب ونغطية بورقة زبدة ونضع عليه اي بقوليات علشان ما يتنفخش وندخله الفرن على درجة حرارة 180 لمدة 20 دقيقة ونشيل ورقة الزبدة والبقوليات وندخله الفرن مرة كمان لمدة 5 دقائق ونطلعه بعد ما يبقى لونه ذهبي فاتح ونسيبه يبرد تماما
ممكن نستغنى عن البقوليات باننا نخرم التارت بالشوكة وندخله الفرن مباشرة من غير ما نغطيه بورقة الزبدة ونسيبه لحد ما يبقى ذهبي ونخرجه بس بالبقوليات افضل وبتحافظ على قوامه احسن 
لتحضير الحشوة /
نضع اللبن والكريمة على النار لحد ما يسخنوا
في بولة نخلط صفار البيض مع النشا والسكر والفانيليا ورشة الملح ونقلبهم جيدا ونصب عليهم خليط اللبن والكريمة الساخن مع التقليب جيدا ونصب الخليط مرة اخرى في اناء مناسب ونرفعه على النار مع التقليب المستمر لحين الحصول على قوام مناسب ونضعه في بولة ونغطي وجهه علشان ما يعملش قشرة ونسيبه يبرد تماما ونصبه فوق التارت ونزينه بالفراولة والتوت وندوب باكو جيلي فراولة في قليل من الماء المغلي وبعد ما يبرد نلمع به الفراولة والتوت ويقدم بالهنا والشفا :)

















تارت الفراولة بالتوت, تارت الفراولة بالتوت بطريقة الشيف سالى فؤاد, طريقة عمل تارت الفراولة بالتوت, مقادير تارت الفراولة بالتوت سالى فؤاد, تارت الفراولة بالتوت حلو وحادق, تارت الفراولة بالتوت برنامج حلو حادق سالى فؤاد, وصفة تارت الفراولة بالتوت سالى فؤاد حلو وحادق, حلقة تارت الفراولة بالتوت سالى فؤاد حلو وحادق, 

تعليقات