بروفترول الشيكولاتة بطريقة الشيف نيرمين هنو من برنامج زي السكر





طريقة عمل بروفترول الشيكولاتة بطريقة الشيف نيرمين هنو من برنامج زي السكر على قناة cbc سفرة 
المقادير /
للبروفترول /
نصف كوب لبن
نصف كوب مياة
ربع ملعقة صغيرة سكر
ربع ملعقة صغيرة ملح
115 جرام زبدة
كوب دقيق
5 بيضات
لكريمة الفانيليا ( الكريم باتسيير - الموسلين ) /
5 صفار بيض
80 جرام سكر
25 جرام دقيق
125 جرام زبدة طرية
200 مل كريمة
25 جرام نشا
200 مل لبن
فانيليا
لصوص الشيكولاتة /
175 جرام شيكولاتة غامقة
100 مل مياة
50 جرام سكر

الطريقة /
لتحضير البروفترول /
نضع اللبن والمياة والزبدة في اناء مناسب ونرفعهم على النار ونضيف الملح والسكر ونقلبهم باستمرار لحد ما الزبدة تسيح ونسيبهم لحد ما يغلوا 
بعد ما يغلوا نضيف الدقيق ونقلبه جيدا بسرعة وقوة لحد ما الدقيق يستوي ويكون كورة ونقلب لحد ما الدقيق يستوي ونضعه في العجانة ونخفقه جيدا ونضيف البيض بالتدريج مع الخفق المستمر لحد ما القوام يبقى كريمي 
نضعه في كيس حلواني ونشكله على صينية مفروشة بورقة زبدة ونساوي السطح جيدا بواسطة اليد بعد ما نبلها ببياض بيض وندخله الفرن على درجة حرارة 180 حتى تمام النضج ونسيبه يبرد تماما
لتحضير الكريمة /
نضع الكريمة واللبن في اناء مناسب ونرفعه على النار لحد ما يغلي
في بولة مناسبة نضرب صفار البيض مع السكر لحد ما نحصل على قوام كريمي ونضيف النشا والدقيق ونكمل تقليب ونضيف الفانيليا ونقلب جيدا ونضيف نصف خليط الكريمة واللبن المغلي ونقلب جيدا ونضيفهم على باقي اللبن والكريمة ونقلب جيدا ونرفعه مرة اخرى على النار مع التقليب المستمر لحد ما نحصل على قوام كثيف وتظهر فقاعات هواء ونصبه في طبق واسع ونغطيها بكلينج فيلم ونراعي ان الغطاء يلامس السطح ونسيبها تبرد تماما ونضيف الزبدة بالتدريج ونخفقها جيدا لحد ما الكريمة تتجانس تماما
لتحضير صوص الشيكولاتة /
نضع المياة والسكر في اناء مناسب واول ما السكر يدوب والمياة تغلي نرفعه من على النار ونضيف الشيكولاتة ونسيبها تسيح تماما ونقلبها لحد ما نحصل على قوام مناسب للصوص
نحشي البروفترول بالكريمة بواسطة كيس حلواني ونضعه في كاسات التقديم ونزينه بصوص الشيكولاتة ويقدم بالهنا والشفا :)


















بروفترول الشيكولاتة, بروفترول الشيكولاتة بطريقة الشيف نيرمين هنو, طريقة عمل بروفترول الشيكولاتة, مقادير بروفترول الشيكولاتة نيرمين هنو, بروفترول الشيكولاتة زي السكر, بروفترول الشيكولاتة برنامج زي السكر نيرمين هنو, وصفة بروفترول الشيكولاتة نيرمين هنو زي السكر, حلقة بروفترول الشيكولاتة نيرمين هنو زي السكر, 

تعليقات