الفطير المشلتت بالطريقة الاصلية - Soggy Meshaltet




طريقة عمل الفطير المشلتت بالطريقة الاصلية - Soggy Meshaltet
المقادير /
3 كوب دقيق
سمنة طرية
كوب ونصف ماء
ملعقة كبيرة سكر
رشة ملح

الطريقة /
فى بولة عميقة بنخلط الدقيق مع الملح والسكر ونضيف الماء بالتدريج لحد ما العجينة تلم معانا ونبدأ نعجنها بالايد لمدة عشر دقائق على الاقل لحد ما نحصل على القوام المطلوب وهو عجينة ناعمة وطرية وما بتلزقش فى الايد ونقطعها كور ونغرقها بالزيت ونضعها في طبق مناسب ونغطيها ونسيبها ترتاح لمدة ساعة تقريبا
بعد ما ترتاح بناخد كورة ونفردها كويس اوى بالنشابة ونرققها على قد ما نقدر لحد ما تبقى شفافة وندهنها بالسمنة ونراعي اننا ندهن سمن بوفرة لان ده اللي هيخليها تورق حلو ونقفلها ظرف وبين الثنيات نضيف سمن ونركنها على جنب
وناخد الكورة الثانية ونفردها زى الاولى بالنشابة لحد ما تبقى شفافة وندهنها سمنة ونضيف فى النصف الكورة الاولى اللى عملناها ظرف ونقفلها ظرف عليها ونركنها على جنب
وناخد كورة كمان ونعمل فيها زى ما عملنا فى الاولى والثانية وناخد الظرف فى النص ونقفل عليه ظرف ونركنها على جنب 
وناخد الكورة الرابعة ونعمل معاها زى ما عملنا مع اللى قبلها بالظبط وبعد ما نقفل الاربع كور سوا على شكل ظرف بنضعهم فى صينية مناسبة ونفردها كويس بحيث تملا الصينية كلها وندهنها سمن وندخلها الفرن على درجة حرارة 200 الى تمام النضج وتقدم بالهنا والشفا :)






















الفطير المشلتت, الفطير المشلتت بالطريقة الاصلية, طريقة عمل الفطير المشلتت, مقادير الفطير المشلتت, وصفة الفطير المشلتت, طريقة تحضير الفطير الفلاحي,
Soggy Meshaltet,

تعليقات