بلح الشام بالطريقة الاصلية - Tulumba




طريقة عمل بلح الشام بالطريقة الاصلية - Tulumba
المقادير /
كوب ماء
نصف كوب زبدة
كوب دقيق
4 بيضة حجم كبير
ملعقة صغيرة فانيليا
رشة ملح
ملعقة صغيرة بيكنج باودر
زيت غزير للقلى
للشربات الثقيل /
2 كوب سكر
2 كوب ماء 
عصير نصف ليمونة 
ملعقة سمن بلدي

الطريقة /
نضع الزبدة مع الماء فى اناء مناسب ونرفعهم على النار ولما يغلوا نضيف الدقيق ونقلب جيدا وبسرعة لحد ما العجينة تلم تماما 
نرفعها من على النار ونضعها فى العجان ونضيف لها البيض بالتدريج نضيف بيضة ونعجن لحد ما تختفى ونضيف اللى بعدها لحد ما نخلص البيض كله وممكن نستغنى عن العجان ونقلب بالايد جيدا بمعلقة خشب وبعد ما نضيف البيض كله نضيف الفانيليا والبيكنج باودر والملح ونضع العجينة فى كيس حلوانى ونشكله وننزله فى زيت ساخن غزير ونهدي النار ونتركه لحد ما يستوي ونعلي النار مرة اخرى علشان يقرمش ونطلعه  على منديل مطبخ يتصفى من الزيت الزيادة
لتحضير الشربات /
نضع الماء والسكر في اناء مناسب ونرفعهم على النار واول ما يغلي نضيف الليمون نتركه 10 دقائق لحد ما يوصل لقوام ثقيل ونرفعه من على النار ونضيف السمنة ونتركه يبرد تماما
بعد ما بلح الشام يتصفى من الزيت الزيادة نضعه فى الشربات البارد مباشرة ونصفيه من الشربات ويقدم بالهنا والشفا :)

















بلح الشام, بلح الشام بالطريقة الاصلية, طريقة عمل بلح الشام, مقادير بلح الشام, وصفة بلح الشام, طريقة تحضير بلح الشام,

Tulumba,

تعليقات