بطاطس محشية لحمة مفرومة بالطريقة الاصلية - Potatoes stuffed with ground meat




طريقة عمل بطاطس محشية لحمة مفرومة بالطريقة الاصلية - Potatoes stuffed with ground meat
المقادير /
بطاطس صغيرة
زيت للقلي
للحشوة /
لحمة مفرومة
بصل مفروم
فلفل رومي مقطع صغير
طماطم مبشورة
معلقتين صلصة طماطم
ملح
فلفل اسود
بهارات لحمة
لصوص الطماطم /
صلصة طماطم
مياة
ملح
فلفل اسود

الطريقة /
لتحضير الحشوة /
نشوح البصل في معلقة زيت واول ما يصفر نضيف اللحمة والملح والفلفل الاسود والبهارات واول ما لونها يتغير نضيف الفلفل الرومي والطماطم ونقلب جيدا لحد ما الفلفل يدبل ونضيف الصلصة ونقلب جيدا ونرفعها من على النار
لتحضير صوص الطماطم /
في اناء مناسب نضع الصلصة والمياة والملح والفلفل الاسود ونقلبهم جيدا ونرفعهم على النار ياخدوا غلوة ونراعي ان القوام يكون متوسط مش خفيف اوي ولا مسبك
نقشر البطاطس ونقورها ونراعي اننا نعملها قاعدة من القعر علشان نثبتها في الصينية ونغسلها ونقليها هي والحشو اللي قورناه منها لحد ما تاخد لون ذهبي فاتح ونصفيها تماما من الزيت ونحشيها باللحمة المفرومة
باقي اللحمة هنقلبها مع البطاطس اللي نتجت عن التقوير ونضعها في الصينية ونرص عليها البطاطس المحشية ونرش على الوجه صوص الطماطم ونضيف كوب ماء ونغطي الصينية ونضعها على نار متوسطة لمدة ربع ساعة ونشيل الغطا وندخلها الفرن على درجة حرارة 200 على الشبكة حتى تمام النضج وتاخد لون حلو وتقدم بالهنا والشفا :)
















بطاطس محشية لحمة مفرومة, بطاطس محشية لحمة مفرومة بالطريقة الاصلية, طريقة عمل بطاطس محشية لحمة مفرومة, مقادير بطاطس محشية لحمة مفرومة, وصفة بطاطس محشية لحمة مفرومة, طريقة تحضير بطاطس محشية لحمة مفرومة,
Potatoes stuffed with ground meat,

تعليقات