الدوناتس بالطريقة الاصلية - Donuts




طريقة عمل الدوناتس بالطريقة الاصلية - Donuts 
المقادير /
2 ونصف كوب دقيق
بيضة بدرجة حرارة الغرفة 
2 ملعقة كبيرة زبدة طرية
ربع كوب لبن دافئ
ربع كوب ماء دافئ
رشة ملح
فانيليا
ملعقة كبيرة سكر
زيت للقلى
ملعقة صغيرة ممتلئة خميرة فورية
للزينة /
صوص شيكولاتة
صوص كراميل
فرماسيل الوان
اسبرينكلز
شيكولاتة بيضاء مذابة على حمام مائى
الوان شيكولاتة

الطريقة /

فى بولة عميقة نخلط المياة باللبن مع الخميرة الفورية والسكر ونقلبهم ونضيف البيض والفانيليا ونخلطهم ونضيف كوب الدقيق ونقلب جيدا ونغطية ونسيبه نصف ساعة يخمر فى مكان دافئ 
بعد ما يتخمر نضيف الزبدة ولما تختفى فى العجينة نضيف باقى كمية الدقيق ورشة الملح ونعجن جيدا لحد ما نحصل على عجينة طرية متماسكة ونغطى العجينة ونسيبها تخمر مرة كمان لمدة ساعة فى مكان دافئ 
بعد ما تتخمر نعجنها مرة كمان لمدة 5 دقائق على الاقل ونفردها بالنشابة على سطح املس مرشوش بالدقيق ونرش على سطحها دقيق ونفردها بالسمك المطلوب حسب الرغبة ونقطعها بقطاعة على حجم الدوناتس ونفرغها من النصف بقطاعة اخرى علشان ياخد الشكل التقليدى للدوناتس ونرصهم فى صينية ونغطيه لمدة نصف ساعة يتخمر فى مكان دافئ
بعد ما يتخمر نقلية فى زيت غزير على حرارة متوسطة الى تمام النضج لحين الحصول على اللون الذهبى 
بعد ما يبرد نزينه حسب الرغبة بالشيكولاتة الغامقة المذابة او بالشيكولاتة البيضاء المذابة بعد ما نخلطها بالوان الشيكولاتة ونرش عليه الفرماسيل او الاسبرينكلز حسب الرغبة ويقدم بالهنا والشفا :)


















الدوناتس, الدوناتس بالطريقة الاصلية, طريقة عمل الدوناتس, مقادير الدوناتس, وصفة الدوناتس, طريقة تحضير الدوناتس,
Donuts, Donuts recipe,

تعليقات