الاكلير بالطريقة الاصلية - Eclair




طريقة عمل الاكلير بالطريقة الاصلية - Eclair
المقادير /
للعجينة :
كوب ماء 
نصف كوب زبدة 
كوب دقيق 
4 بيضة
فانيليا
لكريمة الحلواني (الكريم باتسيير) /
4 صفار بيض
نصف كوب سكر
3 ملعقة كبيرة نشا
3 ملعقة كبيرة زبدة
2 كوب لبن ساخن
فانيليا
رشة ملح
للتزيين :
شيكولاتة غامقة مذوبة على حمام مائى
شيكولاتة بيضاء مذوبة على حمام مائى

الطريقة /
لتحضير العجينة :
نضع الماء والزبدة على النار لحد ما يغلوا ونضيف الدقيق مرة واحدة ونقلب جيدا لحد ما يلم على شكل كورة متماسكة ونرفعه من على النار ونضعه فى بولة عميقة ونضيف البيض بالتدريج بيضة بيضة مع التقليب المستمر القوى بواسطة ملعقة خشب او مضرب كهربائى لحد ما تختفى ونضيف اللى بعدها لحد ما نخلص مقدار البيض كله وبعد ما تتجانس تماما نضيف الفانيليا ونقلب جيدا ونضعها فى كيس حلوانى ونشكله على صينية مفروشة بورقة زبدة ونترك مسافات بين وحدات الاكلير وندخله الفرن على درجة حرارة 180 لحد ما ياخد اللون الذهبى ونطفى النار نتركه فى الفرن لحد ما يبرد تماما ويقرمش 
لتحضير كريمة الحلوانى او الكريم باتسيير :
فى بولة عميقة نضرب صفار البيض والفانيليا مع النشا والملح والسكر لحد ما يتجانسوا ونضيف اللبن بالتدريج لحد ما الخليط يفك ونضيفه لباقى اللبن ونرفعه على النار ونضيف الزبدة ونقلب لحد ما نوصل للقوام المطلوب ونغطيها بكلينج فيلم ونتركها لحد ما تبرد تماما 
نفتح وحدات الاكلير ونحشيه بكريمة الحلوانى ونزينه بالشيكولاتة البيضاء او الغامقة المذوبة ويقدم بالهنا والشفا :)




















الاكلير, الاكلير بالطريقة الاصلية, طريقة عمل الاكلير, مقادير الاكلير, وصفة الاكلير, طريقة تحضير الاكلير,
Eclair, Eclair recipe,

تعليقات