بيكاتا اللحم بالمشروم بالطريقة الاصلية - Piccata Mushroom Sauce




طريقة عمل بيكاتا اللحم بالمشروم بالطريقة الاصلية - Piccata Mushroom Sauce

المقادير /
نصف كيلو لحم بفتيك مقطع شرائح 
مياة بصل
ملح
فلفل اسود
دقيق
ملعقتين زبدة

ملعقتين زيت ذرة
بصلة مقطعة شرائح
مشروم 
كوب كريمة طهى ( كريمة لبانى )
نصف كوب لبن

الطريقة /
الاول هنتبل اللحمة بمياة البصل وملح وفلفل ونسيبها فى التلاجة 4 ساعات على الاقل والافضل تبات فى التتبيلة علشان الانسجة تتحلل وتبقى اطرى واسرع فى السوا
بعد كدة بنعفر اللحمة بالدقيق ونتخلص من اى دقيق زيادة
ونجيب طاسة تيفال نسيح فيها معلقتين زبدة ومعلقتين زيت ذرة ونبدأ نحمر اللحمة فيها
بنحمرها بس علشان تاخد صدمة ولون مش علشان تستوى
اول ما تاخد اللون بنشيلها من الطاسة ونحط باقى كمية اللحمة لحد ما نخلصها
فى نفس الطاسة مكان التحمير نضيف شرائح البصل ونشوحهم 
اول ما البصل يصفر نضيف المشروح ونشوحه معاه 3 دقايق
نضيف اللبن واول ما يسخن نضيف اللحمة تانى ونهدي النار ونغطى الطاسة 10 دقايق علشان اللحمة تستوى كويس
بعد اللحمة ما تستوى نضيف كريمة الطهى ونظبط الملح والفلفل 
تغرف وتقدم ساخنة مع ارز ابيض و خضار سوتية وبالهنا والشفا :)

















بيكاتا اللحم بالمشروم, بيكاتا اللحم بالمشروم بالطريقة الاصلية, طريقة عمل بيكاتا اللحم بالمشروم, مقادير بيكاتا اللحم بالمشروم, وصفة بيكاتا اللحم بالمشروم, طريقة تحضير بيكاتا اللحم بالمشروم,
Piccata Mushroom Sauce,

تعليقات