ملف كامل عن السينابون




ملف كامل عن السينابون

عجينة السينابون الاصلية بطريقة الشيف سالى فؤاد من برنامج حلو وحادق 

المقادير /
5 كوب دقيق
2 ملعقة كبيرة خميرة فورية
ربع كوب سكر
ربع كوب زيت
كوب لبن دافئ
3 بيضات
فانيليا غامقة
رشة ملح
نصف كوب ماء دافئ
ربع كوب زبدة طرية
للحشوة /
سكر ناعم
قرفة
للزينة /
عين جمل مجروش
للصوص الابيض /
جبنة كيرى مربعات او كريم تشيز
سكر بودرة
علبة قشطة
فانيليا
لصوص الشيكولاتة /
شيكولاتة مبشورة ناعم
علبة لبن مكثف محلى

الطريقة /

بنقلب السكر مع الخميرة والماء واللبن ونصف كمية الدقيق ونقلبها جيدا لمدة 5 دقائق على الاقل نغطيها ونسيبها تخمر فى مكان دافئ لمدة ساعة 
بعد ما تخمر بنضيف الزيت والملح والبيض والفانيليا والزبدة والدقيق ونعجنها جيدا لحد ما نحصل على القوام المطلوب وهو عجينة طرية شبة اللبانة بس ما بتلزقش فى الايد ونغطيها ونسيبها تخمر كمان مرة فى مكان دافئ لمدة ساعة
بعد ما تخمر بنفردها على سطح املس مرشوش بالدقيق وبعد ما نفردها بندهنها بالزبدة الطرية او السائلة حسب الرغبة لو عاوزين زبدة كتير بنضيف زبدة طرية ولو عاوزينها اقل بنحط زبدة سائلة ونرش عليها السكر الناعم والقرفة ونبرمها رول ونقطعه ونرصه فى صينية مرشوشة بالدقيق ونغطيه ونسيبه يخمر فى مكان دافئ لمدة ساعة 
بعد ما يخمر بندخله الفرن على درجة حرارة 190 الى تمام النضج 
لصوص الشيكولاتة /
بنسخن اللبن المكثف المحلى ونضيف عليه الشيكولاتة المبشورة ناعم ونقلبها لحد ما تدوب
للصوص الابيض /
بنضرب الجبنة المربعات او الكريمى مع السكر البودرة وعلبة القشطة والفانيليا لحد ما المكونات كلها تتجانس 
بعد ما السينابون يخرج من الفرن ويهدا بنزينه بالصوص الابيض او صوص الشيكولاتة ونضيف عليه عين الجمل ويقدم بالهنا والشفا :)


مينى سينابون بطريقة الشيف سالى فؤاد من برنامج حلو وحادق

المقادير /
نصف كوب ماء دافئ
ملعقة كبيرة خميرة فورية
ملعقة صغيرة سكر

كوب لبن دافئ

3 بيضات
ربع كوب سكر
ربع كوب زبدة طرية
ربع كوب زيت
7 كوب دقيق او اكثر
فانيليا 
رشة ملح

للحشوة /
زبدة طرية
سكر ناعم حبيبات
قرفة
للصوص /
علبة حليب مكثف محلى
نصف كيلو لبنة
فانيليا





الطريقة /


نخلط ملعقة السكر مع الخميرة والماء وقليل من الدقيق ونغطيه ونتركه يتخمر فى مكان دافئ ربع ساعة
نضيف اللبن والبيض والسكر والفانيليا ورشة الملح و3/4 باقى كمية الدقيق ونعجن جيدا ونغطيها ونسيبها نصف ساعة فى مكان دافئ
نضيف الزبدة والزيت وباقى كمية الدقيق ونعجن جيد جدا لحد ما نحصل على عجينة ملساء لا تلتصق باليد ونغطيها ونسيبها تخمر من ساعة الى ساعتين فى مكان دافئ
ناخد جزء من العجينة ونفرده مستطيل وندهنه بالزبدة ونرش عليه السكر والقرفة ونلفه رول ونقطعه بحجم صغير لان حجمه بيتضاعف ونرصه فى صينية مفروشة بورقة زبدة ونبعده عن بعض ونغطيه ونسيبه يتخمر لمدة نصف ساعة فى مكان دافئ وندخله الفرن على درجة حرارة 190 الى تمام النضج
لتحضير الصوص /
فى بولة عميقة نخلط الحليب المكثف مع اللبنة والفانيليا لحد ما نحصل على قوام كريمى سائل قليلا ونرشه على السينابون ويقدم بالهنا والشفا :)


السينابون بطريقة الشيف هالة فهمي من برنامج سفرة وطبلية  

المقادير /
للعجينة :
4 كوب دقيق
نصف كوب لبن 
نصف كوب سكر
نصف كوب زبدة طرية
2 ملعقة كبيرة خميرة
2 بيضة
فانيليا
للحشوة :
كوب زبدة طرية
كوب سكر
نصف كوب قرفة
لصوص الشيكولاتة :
2 كوب شيكولاتة خام مبشورة
3 ملعقة كبيرة لبن
2 ملعقة كبيرة زيت
لصوص الكراميل :
كوب سكر
كوب كريمة
2 ملعقة كبيرة زبدة
لصوص الجبنة :
10 مكعبات جبنة كيري
نصف كوب لبن
نصف كوب سكر بودرة
ملعقة كبيرة زبدة

الطريقة /
في بولة عميقة امزجي الدقيق والخميرة
ضعي اللبن في اناء مناسب وقومي بتدفئته مع الزبدة وارفعيهم من على النار وضيفي البيض والفانيليا وقلبي جيد وضعي الخليط على الدقيق بالتدريج مع العجن المستمر جيدا لحد ما تحصلي على عجينة طرية وناعمة لا تلتصق باليد وغطيها واتركيها تتخمر لمدة ساعتين
افردي العجينة على سطح املس مرشوش بالدقيق على شكل مستطيل وادهني العجينة بالزبدة الطرية جيدا وامزجي القرفة مع السكر ورشيهم فوق الزبدة واضغطي عليهم جيدا باليد علشان تثبتي القرفة والسكر على العجينة 
لفي العجينة رول وقطعيها بالتساوي ورصيهم في صينية مفروشة ورقة زبدة ومدهونة زيت واحرصي على وضع طرف قطع السينابون من تحت علشان ما يتفتحش منك في التسوية واتركيه يتخمر مرة اخرى لمدة ساعة ودخليه الفرن على درجة حرارة 180 حتى تمام النضج
لتحضير صوص الشيكولاتة :
ضعي الشيكولاتة واللبن والزيت على حمام مائي واتركيها تسيح تماما مع الحرص ان الشيكولاتة ما تلمسش النار مباشرة
لتحضير صوص الكراميل :
ضعي السكر في طاسة مناسبة على النار وقلبيه لحد ما يتكرمل ويوصل للون الذهبي الفاتح وارفعيه من على النار وضيفي الزبدة والكريمة وقلبي جيدا وضعيه مرة كمان على النار مع التقليب جيدا لحين الوصول للقوام المطلوب
لتحضير صوص الجبنة :

في بولة عميقة ضعي الجبنة والسكر والزبدة واخفقيهم جيدا بالمضرب الكهربائي وضعي اللبن بالتدريج لحين الحصول على القوام المطلوب وصبي صوص الجبنة فوق السينابون وهو دافئ وزينيه بصوص الشيكولاتة او الكراميل ويقدم مباشرة بالهنا والشفا :) 


لفائف القرفة (السينابون) بطريقة الشيف نيرمين هنو من برنامج زي السكر 
المقادير /
للعجينة /
نصف كوب سكر
4 كوب دقيق
بيضة
ملعقة الا ربع صغيرة خميرة
ربع كوب ماء دافئ
كوب لبن دافئ
ثلث كوب زبدة
رشة ملح
للحشوة /
نصف كوب زبدة طرية
نصف كوب سكر بني
ملعقة ونصف صغيرة قرفة
للجليز /
ربع كوب زبدة
كوب سكر بني
ربع كوب مياة
ربع كوب عسل ابيض
كوب بيكان

الطريقة /
نأخذ ملعقة كبيرة من السكر نضيفها للمياة الدافئة والخميرة ونتركها 10 دقائق
في العجانة نضع الدقيق وباقي كمية السكر والزبدة والملح والبيضة واللبن ونعجنها لحد ما المكونات تتجانس تماما ونضيف المياة المضاف لها السكر والخميرة ونكمل عجن لمدة 5 دقائق على الاقل لحد ما تتكون عندنا عجينة طرية بتمط ونضعها في بولة ونغطيها ببلاستيك راب او بكيس نايلون ونسيبها تخمر لمدة ساعة
نفردها بالنشابة على سطح املس مرشوش بالدقيق ونرش العجينة ايضا بالدقيق ونفردها مستطيل من كل الجهات 
لتحضير الحشوة /
في بولة عميقة نضع القرفة والسكر والقرفة ونقلبهم جيدا ونفردها على العجينة اللي فردناها مستطيل ونوزعها على العجينة بالكامل ماعدا طرف واحد بالطول بنسيبه بدون حشو ونلفها رول ونقفلها ونقطعها شرائح مناسبة بالعرض 
لتحضير الجيليز /
في اناء مناسب نضع الزبدة والسكر وقليل من المياة والعسل ونقلب جيدا لحد ما الخليط يتجانس تماما والسكر يدوب

في صينية مناسبة مفروشة بورقة زبدة نوزع البيكان ونرش عليه طبقة الجيليز ونرص عليهم لفائف القرفة ونسيبها تخمر لمدة نصف ساعة وندخلها الفرن على درجة حرارة 200 لمدة 10 دقائق لـ 15 دقيقة بالكتير وتقدم بالهنا والشفا :)




















عجينة السينابون الاصلية, عجينة السينابون الاصلية بطريقة الشيف سالى فؤاد, طريقة عمل عجينة السينابون الاصلية, مقادير عجينة السينابون الاصلية سالى فؤاد, سينابون اصلى حلو وحادق, عجينة السينابون الاصلية برنامج حلو حادق سالى فؤاد, وصفة عجينة السينابون الاصلية سالى فؤاد حلو وحادق, حلقة السينابون الاصلي سالى فؤاد حلو وحادق, السينابون سالى فؤاد حلو وحادق, السينابون حلو وحادق سالي فؤاد, السينابون سالى فؤاد, السينابون الاصلى سالى فؤاد حلو وحادق, السينابون بالصوص الابيض, السينابون بصوص الشيكولاتة سالى فؤاد حلو وحادق, مينى سينابون, مينى سينابون بطريقة الشيف سالى فؤاد, طريقة عمل مينى سينابون, مقادير مينى سينابون سالى فؤاد, مينى سينابون حلو وحادق, مينى سينابون برنامج حلو حادق سالى فؤاد, وصفة مينى سينابون سالى فؤاد حلو وحادق, حلقة مينى سينابون سالى فؤاد حلو وحادق, السينابون, السينابون بطريقة الشيف هالة فهمي, طريقة عمل السينابون, مقادير السينابون هالة فهمي, السينابون سفرة وطبلية, السينابون برنامج سفرة وطبلية هالة فهمي, وصفة السينابون هالة فهمي سفرة وطبلية, حلقة السينابون هالة فهمي سفرة وطبلية, لفائف القرفة (السينابون), لفائف القرفة بطريقة الشيف نيرمين هنو, طريقة عمل لفائف القرفة (السينابون), مقادير لفائف القرفة نيرمين هنو, لفائف القرفة (السينابون) زي السكر, لفائف القرفة برنامج زي السكر نيرمين هنو, وصفة لفائف القرفة (السينابون) نيرمين هنو زي السكر, حلقة لفائف القرفة (السينابون) نيرمين هنو زي السكر, 

تعليقات